ଭୂବନେଶ୍ଵର: ଆଜି ବିଜେପି ପାର୍ଟି ଅଫିସରେ ତୃତୀୟ ସର୍ବ ଦଳୀୟ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଓଡିଶା ପ୍ରଭାରୀଙ୍କ ସହିତ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପ୍ରତାପ ଷଢଙ୍ଗୀ ଓ ବିଜେପି ସଭାପତି ସମୀର ମହାନ୍ତିଙ୍କ ନେତୃତ୍ୱରେ ଭର୍ଚୁଆଲରେ ଏହି କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି । ଏଥିରେ ଓଡିଶାରେ କରୋନା ସ୍ଥିତି, ଟୀକା କରଣ ବିଷୟରେ ଆଲୋଚନା ହୋଇଥିଲା । ବିଜେପି ଉପସଭାପତି ଭର୍ଗୁ ବକ୍ସି ପାତ୍ର ସମସ୍ତ ଆଲୋଚନା ସମୟରେ ବିଜେଡି ଉପରେ ବର୍ଷିଥିଲେ । ସେ କହିଥିଲେଯେ, ଓଡିଶା ସରକାର କୋଭିଡରେ ଫେଲ ମାରିଛନ୍ତି । ନିଜ ନେତାଙ୍କ ଫୋଟୋ ମାରି ଲୋକଙ୍କୁ ଭୂଲ ତଥ୍ୟ ଦେଉଛନ୍ତି । ଏହାସହ ବିଜେଡି ସରକାରଙ୍କ କାରଣରୁ ବହୁ ମାତ୍ରାରେ ବେରୋଜଗାର ସମସ୍ୟା ସୃଷ୍ଟି ହେଉଥିବାର ଶ୍ରୀଯୁକ୍ତ ପାତ୍ର କହିଛନ୍ତି । ଏହାସହ ବିଜେଡି ପ୍ରଧାନମନ୍ତ୍ରୀ ଯୋଜନାରେ ଘୋଟଲା କରିଥିବାର ପାତ୍ର କହିଛନ୍ତି । ଟାଟାକୁ ଇଲେଟ୍ରି ଦେଲେ ଓଡିଶାର ସ୍ଥିତି କଣ ହେବ ବୋଲି ପାତ୍ର କହିଛନ୍ତି ।