ନୂଆଦିଲ୍ଲୀ, (ନାଗରାଜ ନ୍ୟୁଜ): ବିବାହ ବନ୍ଧନରେ ବାନ୍ଧି ହୋଇଛନ୍ତି ଆରଜେଡି ନେତା ତଥା ବିହାରର ପୂର୍ବତନ ଉପ-ମୁଖ୍ୟମନ୍ତ୍ରୀ ତେଜସ୍ୱୀ ଯାଦବ । ସେ ଗୁରୁବାର ଦିନ ଦିଲ୍ଲୀରେ ବିବାହ କରିଛନ୍ତି । ତେଜସ୍ୱୀ ଯାଦବଙ୍କ ବିବାହରେ କେବଳ ପରିବାର ସଦସ୍ୟ ଏବଂ କିଛି ବିଶେଷ ଅତିଥି ଯୋଗ ଦେଇଛନ୍ତି । ଅତିଥି ସଂଖ୍ୟାକୁ ସୀମିତ କରିବା ବିଷୟରେ ମଧ୍ୟ ଆଲୋଚନା ହେଉଛି । ଏହି ବିବାହରେ ବିହାରର କେବଳ କିଛି ମନୋନୀତ ବ୍ୟକ୍ତି ଯୋଗ ଦେଇଛନ୍ତି । ତେଜସ୍ୱୀ ନିଜ ପିଲା ଦିନର ବନ୍ଧୁଙ୍କୁ ବିବାହ କରିଛନ୍ତି ।
ୟାରହୋଷ୍ଟେସ୍ ଏଲେକ୍ସିସ୍ଙ୍କୁ ତେଜସ୍ୱୀ ବିବାହ କରିଛନ୍ତି । ଏଲେକ୍ସିସ୍ ଦିଲ୍ଲୀ ବସନ୍ତ ବିହାର ଅଞ୍ଚଳରେ ରହନ୍ତି। ସେ ପୂର୍ବରୁ ଏୟାର ହୋଷ୍ଟେସ୍ ଭାବେ କାମ କରୁଥିଲେ। ତାଙ୍କ ପିତା ଚଣ୍ଡିଗଡର ଏକ ସ୍କୁଲରେ ପ୍ରିନ୍ସଭାବେ କାର୍ୟ୍ୟ କରି ଚାକିରୀରୁ ଅବସର ନେଇଛନ୍ତି। ତେଜସ୍ୱୀ ଚାହୁଁଥିଲେ ୬ ମାସ ପରେ ବିବାହ କରିବେ । ହେଲେ ଗୁରୁବାର ସେମାନଙ୍କ ବିବାହ ଓ ପାଣିଗ୍ରହଣ ଉତ୍ସବ ଅନୁଷ୍ଠିତ ହୋଇଯାଇଛି । ତେଜସ୍ୱୀଙ୍କ ନିର୍ବନ୍ଧ ଓ ବିବାହ ଉତ୍ସବ ଦିଲ୍ଲୀର ସୈନିକ ଫାର୍ମରେ ହୋଇଛି। ଏହି ଫାର୍ମଟି ତେଜସ୍ୱୀଙ୍କ ଭଉଣୀ ସୀମା ଭାରତୀଙ୍କର । ତେବେ ତେଜସ୍ୱୀଙ୍କ ବିବାହ ଉତ୍ସବରୁ ଗଣମାଧ୍ୟମକୁ ଦୂରରେ ରଖାଯାଇଛି । ଏଥିଲାଗି ସୈନିକ ଫାର୍ମର ସୁରକ୍ଷା କଡ଼ାକଡି କରାଯାଇଥିବା ବେଳେ ଭିତରକୁ ଯାଉଥିବା ଆସୁଥିବା ଲୋକଙ୍କର ଯାଞ୍ଚ ହେଉଛି ।