ନୂଆଦିଲ୍ଲୀ: ଜାମ୍ମୁକାଶ୍ମୀରେ ଯବାନଙ୍କୁ ମିଳିଛି ବଡ ସଫଳତା । ରବିବାର ବିଳମ୍ବିତ ରାତିରେ ବାରମୂଳା ଜିଲ୍ଲା ଅନ୍ତର୍ଗତ ସୋପୋରରେ ଆରମ୍ଭ ହୋଇଥିବା ‘ଏନ୍କାଉଣ୍ଟର୍’ରେ ଆତଙ୍କବାଦୀ ସଙ୍ଗଠନ ‘ଲଶ୍କର-ଏ-ତୈବା’ର ଜଣେ କୁଖ୍ୟାତ କମାଣ୍ଡରଙ୍କ ସମେତ ୩ଜଣ ଆତଙ୍କବାଦୀ ନିହତ ହୋଇଥିବାର ଜଣାଯାଇଛି । ପୁଲିସ ଇନସପେକ୍ଟର୍ ଜେନେରାଲ୍ ବିଜୟ କୁମାର କହିଛନ୍ତି, ନିକଟ ଅତୀତରେ ୩ଜଣ ପୁଲିସ କର୍ମଚାରୀ, ୨ଜଣ କାଉନସିଲର୍ ଏବଂ ୨ଜଣ ସାଧାରଣ ନାଗରିକଙ୍କ ହତ୍ୟାରେ ସମ୍ପୃକ୍ତ କୁଖ୍ୟାତ ‘ଲଶ୍କର୍-ଏ-ତୈବା’ କମାଣ୍ଡର୍ ମୁଦାସିର ପଣ୍ଡିତ ସୋପୋର ‘ଏନକାଉଣ୍ଟର୍’ରେ ନିହତ ହୋଇଛନ୍ତି। ଏହି ‘ଏନକାଉଣ୍ଟର୍’ରେ ସମୁଦାୟ ୩ଜଣ ‘ଲଶ୍କର୍-ଏ-ତୈବା’ ଆତଙ୍କବାଦୀ ନିହତ ହୋଇଛନ୍ତି।